53

فائیو جی ٹیکنالوجی کا آغاز ، پاکستانی صارفین کے لئے بڑی خوشخبری آگئی

اسلام آباد : وزارت آئی ٹی نے فائیو جی ٹیکنالوجی  کے اجرا کیلئے تیاریوں کا آغاز کر دیا، فائیو جی کی نیلامی سے حکومت کو کروڑوں ڈالرز ملنے کی توقع ہے۔

تفصیلات کے مطابق ملک میں فائیو جی ٹیکنالوجی لانے کی تیاریاں شروع کردی گئیں ، ذرائع نے بتایا ہے کہ وزارت آئی ٹی نے فائیو جی کے اجرا کیلئے تیاریوں کا آغاز کر دیا ہے اور اس متعلق پی ٹی اے اور متعلقہ افسران کو ہدایات جاری کردی گئیں ہیں۔

ذرائع کا کہنا ہے کہ فائیو جی کی نیلامی سے حکومت کو کروڑوں ڈالرز ملنے کی توقع ہے، اسپیکٹرم کی نیلامی اگست 2024 تک ہونے کا امکان ہے۔

ذرائع نے کہا ہے کہ موبائل کمپنیاں اس وقت 367 میگا ہرٹز کے قریب کے اسپیکٹرم استعمال کر رہی ہیں، نئے اسپیکٹرم کی نیلامی سے یہ حجم 600 میگا ہرٹز سے بڑھ جائے گا۔

ذرائع کے مطابق اسپیکٹرم نیلامی سے صارفین کو انٹرنیٹ کی تیز تر سروسز دستیاب ہوں گی۔

اس خبر پر اپنی رائے کا اظہار کریں

اپنا تبصرہ بھیجیں