سارہ خان اور فلک شبیر کے ہاں ننھی پری کی آمد؛ نام کیا رکھا؟
سارہ خان اور فلک شبیر نے سال 2020 میں شادی کی تھی
-
ویب ڈیسک -
پاکستان شوبز انڈسٹری کی معروف اداکارہ سارہ خان اور گلوکار فلک شبیر کے ہاں دوسری بیٹی کی پیدائش ہوئی ہے جس پر مداحوں اور شوبز شخصیات کی جانب سے مبارکبادوں کا سلسلہ جاری ہے۔
خوشخبری سارہ خان اور فلک شبیر نے سوشل میڈیا پلیٹ فارم انسٹاگرام پر ایک خوبصورت مشترکہ پوسٹ کے ذریعے اپنے مداحوں کے ساتھ شیئر کی۔
پوسٹ میں شیئر کی گئی تصویر میں نومولود بچی، اس کی بڑی بہن اور والدین کے ہاتھ دکھائی دے رہے ہیں جبکہ بچی کے چہرے کی ہلکی سی جھلک بھی نمایاں ہے۔
جوڑے نے اپنی ننھی بیٹی کا نام ”رانیہ فلک“رکھا ہے جسے مداحوں کی جانب سے بےحد پسند کیا جا رہا ہے۔
سوشل میڈیا پر پوسٹ سامنے آنے کے بعد مداحوں اور ساتھی فنکاروں نے دونوں کو نئی خوشی پر دل کھول کر مبارکباد دی اور نیک تمناؤں کا اظہار کیا۔
یاد رہے کہ سارہ خان اور فلک شبیر نے سال 2020 میں شادی کی تھی جبکہ ان کی پہلی بیٹی کا نام آلیانہ فلک ہے۔
