مشرقی وسطیٰ میں جنگ بندی، فضائی آپریشن بحال ہونا شروع

مشرقی وسطیٰ میں جنگ بندی، فضائی آپریشن بحال ہونا شروع

ایران امریکہ جنگ کے باعث پاکستان سے 40 روز میں 3000 ہزار سے زائد پروازیں منسوخ ہوئیں تھی

مشرقی وسطیٰ میں جنگ بندی کے بعد فضائی آپریشن بحال ہونا شروع ہوگیا ہے۔

ائیرپورٹ ذرائع کے مطابق عراق، شام، کویت اور قطر کی فضائی حدود کی بندش بھی ختم، علامہ اقبال انٹرنیشنل ایئرپورٹ سمیت ملک کے دیگر ائیرپورٹس سے خلیجی ممالک پروازوں کی آمد و رفت شروع ہوگئی ہے۔

مقامی اور غیر ملکی ائیر لائنز نے فلائیٹ آپریشن بحالی کے لیے پروازوں کی آمد و کا نیا شیڈول تیار کرنا شروع کر دیا۔

علامہ اقبال انٹرنیشنل ایئرپورٹ سے دوبئی، ابو ظہبی، شارجہ، بحرین، کویت، دوحہ، جدہ اور دمام کی نو، اسلام آباد ائیرپورٹ سے بھی خلیجی ممالک کی 8 جبکہ کراچی ائیرپورٹ سے 18 پروازیں روانہ ہوگئیں اسی طرح پشاورایئر پورٹ سے 6 اور ملتان ائیرپورٹ سے چار پروازیں روانہ کی گئیں۔

ذرائع کا کہنا ہے کہ  پروازوں کی مکمل بحالی میں ابھی وقت لگے گا کئی ممالک کی طرف سے ابھی فضائی حدود کی بندش کا سامنا ہے۔

واضح رہے کہ ایران امریکہ جنگ کے باعث پاکستان سے 40 روز میں 3000 ہزار سے زائد پروازیں منسوخ ہوئیں تھی۔