وزیراعظم شہباز شریف نے سماجی رابطے کی ویب سائٹ ایکس پر اپنے پیغام میں مشرقِ وسطیٰ کی موجودہ صورتحال پر تشویش کا اظہار کرتے ہوئے کہا ہے کہ خطے میں جنگ کے پرامن خاتمے کے لیے سفارتی کوششیں جاری ہیں۔
انہوں نے امریکی صدر ڈونلڈ ٹرمپ سے ڈیڈ لائن میں دو ہفتوں کی توسیع کی درخواست کرتے ہوئے کہا کہ اس دوران مذاکرات کے ذریعے مثبت پیش رفت ممکن ہے۔ وزیراعظم کا کہنا تھا کہ سفارتی کوششوں میں مستقبل قریب میں کامیابی کی صلاحیت موجود ہے۔
Diplomatic efforts for peaceful settlement of the ongoing war in the Middle East are progressing steadily, strongly and powerfully with the potential to lead to substantive results in near future. To allow diplomacy to run its course, I earnestly request President Trump to extend…
— Shehbaz Sharif (@CMShehbaz) April 7, 2026
شہباز شریف نے ایرانی قیادت سے بھی اپیل کی کہ وہ خیر سگالی کے طور پر آبنائے ہرمز کو دو ہفتوں کے لیے کھول دیں تاکہ کشیدگی میں کمی لائی جا سکے۔
وزیراعظم نے فریقین پر زور دیا کہ وہ سفارت کاری کے نتیجے میں جنگ کے خاتمے کے لیے کم از کم دو ہفتوں تک سیز فائر کریں، تاکہ امن کی راہ ہموار ہو سکے۔
