ایرانی وزیرخارجہ عباس عراقچی کی قیادت میں ایرانی وفد اسلام آباد پہنچ گیا
ایرانی وزیرخارجہ مسقط اور ماسکو کا بھی دورہ کریں گے۔
-
ویب ڈیسک -
ایران کے وزیرخارجہ عباس عراقچی اسلام آباد پہنچ گئے۔
دفتر خارجہ کے مطابق ایران کے وزیر خارجہ عباس عراقچی کی قیادت میں ایرانی وفد اسلام آباد پہنچ گیا۔
دفتر خارجہ کا کہنا ہے کہ نائب وزیراعظم اسحاق ڈار اور فیلڈ مارشل عاصم منیر نے ایرانی وفد کا استقبال کیا ۔دورے کے دوران ایرانی وزیر خارجہ پاکستان کی اعلیٰ قیادت سے ملاقاتیں کریں گے۔
دفتر خارجہ کے مطابق ملاقاتوں میں خطے کی تازہ صورتحال اور امن و استحکام کے لیے جاری کوششوں پر تبادلہ خیال ہوگا۔
بعد ازاں ایرانی وزیرخارجہ مسقط اور ماسکو کا بھی دورہ کریں گے۔
