شہرِقائد کیلئے ایک اور اعزاز؛ پاکستان کی بلند ترین عمارت ”برجِ قائد“ کی تعمیر کا معاہدہ طے
941 فٹ بلند ”برجِ قائد“ پاکستان کی بلند ترین عمارت ہوگی
-
سلمان علی اعوان -
ڈی ایچ اے سٹی کراچی اور اے بی ایس ڈیولپرز کے درمیان 82 منزلہ ”برجِ قائد“ کی تعمیر کے لیے باضابطہ معاہدہ طے پا گیا۔
941 فٹ بلند ”برجِ قائد“ پاکستان کی بلند ترین عمارت ہوگی، منصوبہ ڈی ایچ اے سٹی کراچی میں تعمیر کیا جائے گا، جدید طرزِ تعمیر کا حامل ”برجِ قائد“ تقریباً 6 ایکڑ اراضی پر تعمیر ہوگا جس کی تکمیل کے لیے 6 سال کا ہدف مقرر کیا گیا ہے۔
سول ایوی ایشن اتھارٹی اور متعلقہ اداروں نے منصوبے کیلئے 941 فٹ بلندی کا این او سی جاری کر دیا۔ اے بی ایس ڈیولپرز بین الاقوامی ماہرین اور کنسلٹنٹس کی نگرانی میں منصوبے پر کام کرے گا۔
”برجِ قائد“ کی تعمیر سے کراچی میں جدید شہری انفرااسٹرکچر، سرمایہ کاری اور کاروباری سرگرمیوں میں مزیداضافہ ہوگا، یہ برج پاکستان میں جدید ہائی رائز ڈیولپمنٹ کے نئے دور کا آغاز ثابت ہوگا۔
